Aaj fir dil pareshan sa hai..

Ajeeb si uljhan mei fansaa hai,
Aaj fir dil mera pareshan sa hai..

Aasmaan ko chhoona chahta hai,
khul kar saans lene ka armaan sa hai..

Apno mei hai,fir bhi kitna akela hai,
Apne hi ghar mei jaise mehmaan sa hai..

jaan ne toh chala hai har kisi ko par,
Khud hi se dekho,anjaan sa hai..

Jaane kaunsi shikayat hai isko,
dhadak kar,kar raha jaise ehsaan sa hai..

Is khamoshi se darr lagne laga hai,
aane wala koi toofan sa hai..

Ho gaya hai tanhaaiyon mei gum,
Aaj fir dil ka jahaan veeran sa hai..

Ajeeb si uljhan mei fansaa hai,
Aaj fir dil mera pareshan sa hai..